यस्तो छ साझा र विवेकशीलको पुनर्मिलन मोडल

Homeराजनीति

यस्तो छ साझा र विवेकशीलको पुनर्मिलन मोडल

संसद पुर्नस्थापनको माग गर्दै, नेकपाका ८७ जना नेता सर्वोच्च अदालत जादै
चौतर्फी आलोचना भएपछि प्रधानमन्त्री अध्यादेश फिर्ता लिन तयार
New Google Campus Boosts Tech’s March Into New York

यस्तो छ साझा र विवेकशीलको पुनर्मिलन मोडल

२४ मंसिर, काठमाडौं । सुसंस्कृत राजनीतिको नारा र वैकल्पिक शक्ति बन्ने अभिष्ट बोकेर हिँडिरहेका दुई साना पार्टी साझा र विवेकशील नेपाली आजदेखि एक हुँदैछन् ।

एकीकृत पार्टीको नाम विवेकशील-साझा राख्ने सहमति छ । अघिल्लोपटक पनि यही नाममा उनीहरु एक भएका थिए । पार्टीको चुनाव चिन्ह तराजु रहने छ । यो अहिले साझा पार्टीको चुनावचिन्ह हो ।

दुई पार्टीका कमिटीहरुलाई बराबरीका आधारमा मर्ज गर्ने सैद्धान्तिक समझदारी भएको छ । दुई पार्टी अहिले फरक-फरक संरचनामा छन् । साझा पार्टीमा १३ सदस्यीय सचिवालय र त्यसमुनि ६५ सदस्यिय केन्द्रीय कमिटी रहेको छ । विवेकशीलमा भने सबैभन्दा माथिल्लो निकायका रुपमा संघीय समिति छ, जसमा अहिले २९ सदस्य छन् ।

अब एकीकृत पार्टीमा सबैभन्दा माथिल्लो निकायका रुपमा सचिवालय हुनेछ । यसमा दुवै पार्टीका १३/१३ जना रहनेछन् । साझाबाट हाल सचिवालयमा भएका १३ जना नै रहनेछन् । विवेकशीलले संघीय समितिभित्रबाट १३ जनाको नाम सचिवालयका लागि सिफारिस गरेको छ ।

यसैगरी, एकीकृत पार्टीमा १ सय ३० जनाको केन्द्रीय समिति रहने छ, जसमा साझा र विवेकशीलबाट ६५-६५ जना रहनेछन् । एकीकृत पार्टीमा अध्यक्ष र संयोजकबाहेक अन्य पदाधिकारीको अहिले घोषणा नगरिने बुझिएको छ ।

एकता घोषणाका लागि साझा पार्टीको बखुण्डोलस्थित कार्यालयमा मुख्य नेताहरु भेला हुनेछन् । अरु सहभागीहरु जुममार्फत जोडिनेछन् ।

साझा र विवेकशील २०७४ साल साउन ११ गते एकीकृत भएका थिए । २०७५ पुसमा यो पार्टीमा फुट आएको थियो । फुटेको करिब दुई वर्षपछि फेरि उनीहरु एक हुन लागेका हुन् ।

साझाकी नेतृ बास्कोटा विगतमा भएको विभाजनको निर्मम समीक्षा गरेर नयाँ एकता गरिएकाले पुरानो घटना नदोहोरिने बताउँछिन् ।

‘हामीले पहिलेका गल्ती कमजोरी पहिल्याएर एकदमै राम्रो गृहकार्य गरेर मात्रै एकता गर्न लागेका हौं, त्यसैले यो एकता दिगो हुनेमा विश्वस्त छौं,’ उनले भनिन् ।

साझा पार्टीका नेताहरु मिश्रले पार्टीको नेतृत्व गर्ने र पाण्डे ‘सेकेन्ड म्यान’ का रुपमा रहने भन्ने खालको ब्याख्या गरिरहेका छन् । उता विवेकशीलका नेताहरु चाहिँ अध्यक्ष ‘सेरेमोनियल’ जस्तो हुने र संयोजक शक्तिशाली हुने गरी अधिकारको बाँडफाँड हुने दावी गर्छन् । यो विरोधाभासले निकट भविष्यमा नै पार्टीभित्र किचलो उत्पन्न नहोला भन्न सकिन्न ।

COMMENTS

WORDPRESS: 0
DISQUS: 1