कानुनविद्को प्रतिक्रिया : ओलीले ल्याएको अध्यादेश सर्वसत्तावादको अभ्यास

Homeराजनीति

कानुनविद्को प्रतिक्रिया : ओलीले ल्याएको अध्यादेश सर्वसत्तावादको अभ्यास

अब ओलीसँग कानेखुसी गरेर पार्टी चल्दैन : प्रचण्ड
निर्मला पन्त र भागरथी भट्टका हत्यारा छिट्टै पक्राउ पर्ने ओलीको दाबी
कामै गर्न नदिएपछि बाध्य भएर संसद् विघटन गरेः प्रम ओली

प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले संवैधानिक परिषद् (काम, कर्तव्य, अधिकार र कार्यविधि) सम्बन्धी (पहिलो संशोधन) अध्यादेश, २०७७ जारी गरेपछि नेकपाभित्रको विवाद नयाँ ‘कोर्स’ मा प्रवेश गरेको छ । राष्ट्रपति भण्डारीले जारी गरेको अध्यादेशलाई कानुनविद्हरुले प्रधानमन्त्री ओलीले आफ्नो सर्वसत्तावाद लागू गर्न अध्यादेश ल्याएको बताएका छन् । 

वरिष्ठ अधिवक्ता हरिप्रसाद उप्रेतीले संवैधानिक निकायमा आफ्नो एकलौटी सर्वसत्तावाद लागू गर्न अध्यादेश ल्याइएको प्रतिक्रिया दिए । अध्यादेश  आपतकालीन कानूनी व्यवस्था हो । आधारभूत रुपमा कानून बनाउने अधिकार संसदको हो । कानूनी भाषामा संसदको अधिवेशन वा बैठक हुन नसकेको/नभएको अवस्थामा तत्काल केही गर्न आवश्यक छ भन्ने कुरामा राष्ट्रपति सन्तुष्ट भएमा आपतकालीन अवस्थाका लागि मात्र अध्यादेश ल्याइने उनको भनाइ छ । सत्ता पक्ष र प्रतिपक्षका सांसदहरुले नै सरकारलाई संसदको बैठक बोलाउन दवाव दिइरहेका छन् । कानूनी व्यवस्था अनुसार सरकारले चाहेर वा नचाहेर छिट्टै नै संसदको अधिवेशन बोलाउनु पर्ने वाध्यता छ । 

COMMENTS

WORDPRESS: 0
DISQUS: