कोरोना भ्याक्सिन निःशुल्क लगाउँछौं : अर्थमन्त्री

Homeस्वास्थ

कोरोना भ्याक्सिन निःशुल्क लगाउँछौं : अर्थमन्त्री

अहिलेसम्म तीन लाख ४० हजारले लगाए काेराेना विरुद्धकाे खोप
कोभिड १९ नयाँ प्रकारका कारण २०२१ झन् कठिन हुने डब्ल्यूएचओको चेतावनी
काठमाडौंमा अहिलेसम्मकै उच्च वायु प्रदुषण, घर भित्रै बस्न सरकारको आग्रह

काठमाडौं । अर्थमन्त्री विष्णु पौडेलले कोरोना भ्याक्सिन समयमै ल्याएर निःशुल्क रुपमा वितरण गर्ने प्रतिवद्धता जनाएका छन् । नेपाल आर्थिक पत्रकार संघ (नाफिज) का नवनिर्वाचित पदाधिकारीहरुसँग भेट गर्दै अर्थमन्त्री पौडेलले भ्याक्सिजको आयातमा स्रोत अभाव हुने र त्यसमा नागरिकको दायित्व नरहने बताएका हुन् । 

पौडेलले कोभिड–१९ को लक्षण देखिएका नेपालीको निस्शुल्क परीक्षण र उपचार गरे जसरीनै कोरोना भ्याक्सिनमा समेत खर्च राज्यले व्यहोर्ने बताए ।  उनले विश्वमा सफल परीक्षण भएका भ्याक्सिन ल्याउनेबारे कुटनीतिक संवाद थालिसकेको समेत बताए ।

‘ग्लोबल मार्केटमा भ्याक्सिन उपलब्ध हुनासाथ नेपालमा आयात हुन्छ । यसका लागि हामीले कुटनीतिक संवाद जारी राखेका छौं । भ्याक्सिनको आयातका लागि तयार भएर बस्छौं’ पौडेलले भने । 

पहिलो चरणमा फ्रन्टलाइनमा खटिएका व्यक्तिहरु  र वृद्धवृद्धालाई प्राथमिकता दिने र त्यसपछि सबैलाई भ्याक्सिन उपलब्ध गराएर कोभिड विरुद्धको लडाईलाई निर्णायक बनाउने दिशामा सरकार केन्द्रित रहने उनको भनाई थियो । 

पौडेलले कोभिड–१९ बाट प्रभावित अर्थतन्त्र र जनजीवनलाई पुरानै लयमा फर्काउन र चलाउनमान बनाउन सरकार लागिपरेको समेत बताए । ‘अर्थतन्त्रलाई सबल, सक्षम र गतिशील बनाउन सरकारले सम्भव सबै उपाय अवलम्बन गर्छु,’ पौडेलले भने ।

COMMENTS

WORDPRESS: 0
DISQUS: 0