राष्ट्रपतिद्धारा संसद् विघटन, २०७८ वैशाख १७ र २७ गते चुनावको मिति तोकियो

Homeराजनीति

राष्ट्रपतिद्धारा संसद् विघटन, २०७८ वैशाख १७ र २७ गते चुनावको मिति तोकियो

निर्वाचनको अवसरलाई सदुपयोग गर्न आयोगको अनुरोध
Follow these 4 Steps to Future-Proof Your Career
२९ गते नेपाली काङ्ग्रेस को देश भर बिरोध प्रदर्शन हुने

५ पुस, काठमाडौँ ।
राष्ट्रपति विद्यादेवी भण्डारीले संसद् विघटन गरेकी छन् ।
राष्ट्रपतिको कार्यालय शितल निवासले विज्ञप्ति जारी गर्दै संसद् विघटन गरेको जानकारी दिएको छ ।
राष्ट्रपति भण्डारीले नेपालको संविधानको धारा ७६ को उपधारा (१) र (७) तथा धारा ८५ एवं संसदीय प्रणालीको आधारभूत मर्म एवं मूल्य, मान्यताबमोजिम संसद् विघटन स्वीकृत गरिएको राष्ट्रपति कार्यालयले जनाएको छ ।
‘हाम्रो आफ्नै र संसदीय प्रणाली भएका विभिन्न देशको अभ्यासबमोजिम सङ्घीय संसद्को वर्तमान प्रतिनिधि सभा विघटन गरी ताजा जनादेशका लागि नेपाली नागरिक समक्ष जान मिति २०७८ वैशाख १७ र २७ गते चुनावको मिति तोकिएको छ’, विज्ञप्तिमा उल्लेख छ ।
आज बिहान मन्त्रिपरिषद्को आकस्मिक बैठक बोलाएर प्रधानमन्त्री ओलीले संसद् विघटनको सिफारिस गरेको हो । पार्टीभित्र विवाद बढिरहँदा र आफूलाई हटाउने तयारी भइरहेका बेला प्रधानमन्त्री ओलीले संसद् विघटनको सिफारिस गरेको हो ।

COMMENTS

WORDPRESS: 0
DISQUS: 0