प्रचण्ड र नेपाल समूहद्वारा संसद् अधिवेशनको माग

Homeराजनीति

प्रचण्ड र नेपाल समूहद्वारा संसद् अधिवेशनको माग

संवैधानिक परिषद्सम्बन्धी अध्यादेश तुरुन्त खारेज हुनुपर्छ : प्रचण्ड
सरकारले संसद्को प्रभावकारिता नचाहेको सांसदहरूको टिप्पणी
संसद् विघटन भएसंगै सात जना मन्त्रीले सामूहिक राजीनामा दिए

६ पुस, काठमाडौँ ।
नेपाल कम्युनिस्ट पार्टीका कार्यकारी अध्यक्ष पुष्पकमल दाहाल प्रचण्ड र वरिष्ठ नेता माधवकुमार नेपाल समूहले संसद् बैठक बोलाउन माग गर्ने निर्णय गरेको छ ।

आइतबार प्रधानमन्त्रीको सिफारिसमा राष्ट्रपति विद्यादेवी भण्डारीले संसद् विघटन गरेर वैशाख १७ र २७ गते चुनावको लागि स्वीकृति दिए पनि यो कदम गैर–संवैधानिक भएको भन्दै प्रचण्ड–नेपाल समूहले संसद् बैठक बोलाउन माग गर्ने निर्णय गरेको हो ।
सोमबार संसद् भवन नयाँ बानेश्वरमा भएको दुई पक्षको सांसदहरूको भेलाले प्रधानमन्त्री ओली र राष्ट्रपति भण्डारीको कदम राष्ट्रघाती भएको उल्लेख गर्दै तत्काल संसद्को अधिवेशन बोलाउन माग गर्ने निर्णय गरेको हो ।

बैठकले संविधान बमोजिम संसद् बैठक बोलाउने समय भइसकेकोले संसद् अधिवेशन बोलाउन माग गरेको नेकपाका प्रमुख सचेतक देव गुरुङले बताउनुभयो । संसद् बैठक माग गर्दै प्रतिनिधि सभाका ९० जना र राष्ट्रिय सभाका २४ जना सांसदले हस्ताक्षर पनि गरेका छन् । यसको थप प्रक्रियाको लागि मङ्गलबार संसदीय दलको बैठक बोलाउने पनि दुई पक्षले निर्णय गरेका एक नेताले जानकारी दिएका छन् ।

COMMENTS

WORDPRESS: 0
DISQUS: 0