संसद विघटन गर्नुको कारण सर्वोच्चले सरकारसँग लिखित जवाफ माग्यो

Homeराजनीति

संसद विघटन गर्नुको कारण सर्वोच्चले सरकारसँग लिखित जवाफ माग्यो

राष्ट्रपतिद्धारा संसद् विघटन, २०७८ वैशाख १७ र २७ गते चुनावको मिति तोकियो
प्रचण्ड–माधव समूहले चौथो चरणको विरोध कार्यक्रमको घोषणा
संसद् विघटनको विरुद्धमा सर्वोच्च अदालतमा रिटको ओइरो

१० पुस, काठमाडौं ।

सर्वोच्च अदालतले सरकारसँग प्रतिनिधि सभा विघटन गर्नुको कारणबारे लिखित जवाफ मागेको छ ।

सर्वोच्च अदालतमा आज भएको संवैधानिक इजलासपछि सर्वोच्चले प्रधानमन्त्री तथा मन्त्रिपरिषद् कार्यालय र राष्ट्रपति कार्यालयसँग संसद् विघटन गर्नुपर्ने कारण माग गरेको हो ।
यस्तै सर्वोच्चले मन्त्रिपरिषद्ले संसद् विघटनका लागि गरेको सिफारिस र राष्ट्रपतिले गरेको स्वीकृतिको सक्कलप्रति मगाउन र संसदबाट पनि सबै दलको प्रतिनिधित्वको कपी माग गर्न आदेश दिएको छ ।
आजको संवैधानिक इजलासमा अधिवक्ता सन्तोष भण्डारी, अधिवक्ता रुद्र शर्मा, अधिवक्ता बद्री झा, अधिवक्ता सरोज घिमिरे अधिवक्ता कुलबहादुर बोगटी, वरिष्ठ अधिवक्ता हरिहर दाहाल, दिनेश त्रिपाठीलगायतले बहस गरेका थिए ।

प्रधानन्यायाधीश चोलेन्द्र शमशेर जबरा, न्यायाधीशहरू हरिकृष्ण कार्की, विश्वम्भरप्रसाद श्रेष्ठ, अनिलकुमार सिन्हा र तेजबहादुर केसीको इजलासमा आज सुनुवाइ भएको हो ।

COMMENTS

WORDPRESS: 0
DISQUS: 0