जनजाति विद्यार्थीको नयाँ नेतृत्वको अध्यक्षमा चन्द्र चौधरी

Homeसमाज

जनजाति विद्यार्थीको नयाँ नेतृत्वको अध्यक्षमा चन्द्र चौधरी

हुप्सेकोट ५ पाँग्रेमा मोटरसाइकल खस्दा एक जनाको मृत्यु
सामसुङको वडा दशैं विग धमाकामा बुलिङ्गटारका कुमाललाई गाडी उपहार
बर्दिया निकुञ्ज क्षेत्रमा रातिको समयमा २ पाङ्ग्रे सवारी र पैदल यात्रा गर्न रोक

 

२६ पुस , काठमाडौं ।

नेपाल आदिवासी जनजाति विद्यार्थी महासंघको छैठौं राष्ट्रिय महाधिवेशनले चन्द्र प्रसाद चौधरीको अध्यक्ष्यतामा ३६ सदस्यीय चयन गरेको छ ।

शनिबार काठमाडौंको बसपार्क स्थित तनहुँ समाजको भवनमा सम्पन्न महाधिवेशनले चन्द्र प्रसाद चौधरीलाई अध्यक्षमा चयन गरेको हो ।

आदिवासी जनजातीको २८ वटा जातिय विद्यार्थी संगठनको सहभागीतामा थारु विद्यार्थी संघका अध्यक्ष समेत रहेका चौधरी सर्वसम्मतले मनोनीत भएका हुन् ।

यस्तैगरी महाधिवेशनले कुमाल समाज विद्यार्थीबाट सचिवमा शम्भु कुमाललाई पनि सर्वसम्मतले चयन गरेको छ ।
कुमाल, कुमाल विद्यार्थी समाज केन्द्रका उपाध्यक्ष हुन् ।

 

छैठौं महाधिवेशनले एक जना वरिष्ठ उपाध्यक्ष , ६ जना उपाध्यक्ष , एक जना महासचिव , ३ जना सचिव र एक जना कोषाध्यक्ष गरि ३६ सदस्यीय समिति गठन गरेको हो ।

कार्यक्रममा बोल्नु हुँदै नेपाल आदिवासी जनजाति विद्यार्थी महासंघका निवर्तमान अध्यक्ष दुजाङ शेर्पाले राजनीति अवस्था जे जस्तै भएतापनि सिंगो आदिवासी जनजातिका आन्दोलन र मुद्दाहरुमा केन्द्रित हुन विभिन्न भातृसंगठनहरुलाई आग्रह गर्नु भयो ।

साथै वहाँले नयाँ नेतृत्वमा चयन भएकाहरुलाई सबैलाई सफल कार्यकालको कामना व्यक्त गर्नु भएको छ ।

महाधिवेशन विगत दुइ वर्ष देखि विभिन्न विवादका कारण हुन सकेको थिएन ।

महाधिवेशनमा देशभरिका प्रदेश जिल्ला र महासंघमा आवद्ध जातीय विद्यार्थी घटक संगठनहरुबाट गरि दुई सय प्रतिनिधिको सहभागिता रहेको थियो ।

COMMENTS

WORDPRESS: 0
DISQUS: 1