नवलपुरको ८ वटै स्थानिय तहमा निःशुल्क बृहत परिवार नियोजन स्थायी बन्ध्याकरण शिविर सुरु

Homeस्वास्थ

नवलपुरको ८ वटै स्थानिय तहमा निःशुल्क बृहत परिवार नियोजन स्थायी बन्ध्याकरण शिविर सुरु

अहिलेसम्म तीन लाख ४० हजारले लगाए काेराेना विरुद्धकाे खोप
शनिबार नेपालमा आठ सय ९९ जना कोरोना संक्रमित थपिए
नवलपुरका ४० हजार किशोरीलाई आईरन चक्की खुवाईने

८ माघ, नवलपुर ।

जिल्ला स्वास्थ्य कार्यालय बर्दघाट सुस्ता पूर्वले जिल्लाका ८ वटै स्थानिय तहमा निःशुल्क बृहत परिवार नियोजन स्थायी बन्ध्याकरण शिविर सुरु गरेको छ । पहिलो दिन देवचुली नगरपालिकाको दुम्कौली प्राथमिक स्वास्थ्य केन्द्रबाट शिविर शुरु भएको जिल्ला स्वास्थ्य कार्यालय नवलपुरका प्रमुख केशव चापागाईले जानकारी दिनुभयो ।
शिविरबाट देवचुली नगरपालिकामा २३ जना लाभान्वित भएका थिए । भने जसमध्ये १७ जना पुरुषले भ्यासेक्टोमी, र ६ जना महिलाले मिनिल्याप गराएका थिए ।
विहिबारदेखि भने कावासोतीको मध्यविन्दु जिल्ला अस्पतालमा शिविर सञ्चालन भएको छ ।कावासोती नगरमा विहिबार देखि आगामीे शनिबार ३ दिनसम्म सन्तानको रहर पुगेका महिला–पुरुष दुबैले निशुल्क रुपमा स्थायी बन्ध्याकरण गराउन सकिने जिल्ला स्वास्थ्य कार्यालय नवलपुरले जनाएको छ ।
मध्यबिन्दु अष्पतालमा जारी शिबिरमा कुल २१ जनाको स्वास्थ्यकर्मीहरुको टीमले सेवा प्रवाह गरिरहेको जिल्ला स्वास्थ्य कार्यालय नवलपुरका परिवार नियोजन सुपरभाइजर निरिक्षक विर वहादुर श्रेष्ठले बताउनु भयो ।


मध्यबिन्दु जिल्ला अष्पतालमा जारी शिबिरमा बिहीबार १४ जना ले बन्ध्याकरण गराएका छन् ।
तीमध्ये ५ पुरुष र ९ जना महिलाले बन्ध्याकरण गराएको परिवार नियोजन सुपरभाइजर बिर बहादुर श्रेष्ठले जानकारी दिनुभएको छ । सन्तानको रहर पुगेका महिला वा पुरुषहरुलाई पायक पर्ने स्थानमा निशुल्क स्थायी बन्ध्याकरणको सुबिधा दिइएको हो ।
आगामी माघ २९ गते गैँडाकोटको पितौँजीघाट स्वास्थ्य चौकीमा टुँगिने अभियान बुधबारबाट सुरु भएको थियो ।

COMMENTS

WORDPRESS: 0
DISQUS: 0