संकटको मुल जड दोस्रो जनआन्दोलनः कमल थापा

Homeराजनीति

संकटको मुल जड दोस्रो जनआन्दोलनः कमल थापा

Tips for Young Entrepreneurs: A Roadmap to Business Success
नेतृत्व गर्न सक्ने क्षमता भएको नेता गुमायौँ – सभापति देउवा
Why stock brokers should be 1 of the 7 deadly sins

११ माघ , नवलपुर ।
राप्रपाका अध्यक्ष एवम् पूर्व उपप्रधान मन्त्री कमल थापाले अहिलेको संकटको मुल कारण भनेको दोस्रो जनआन्दोलन भएको बताएका छन् ।
आइतबार नवलपुरको कावासोतीमा सम्पन्न राप्रपा नवलपुरको अगुवा कार्यकर्ता भेलालाई सम्बोद्धन गर्दै उनले यस्तो बताएका हुन् ।
राप्रपा अध्यक्ष थापाले संसद पुनस्थापना गरेर केपी ओलीको सट्टा प्रचण्ड वा माधवकुमार नेपाललाई प्रधानमन्त्री बनाउँदैमा समस्या हल नहुने बताए ।
नेता थापाले दुई तिहाईको बहुमतको सरकारले जस्तो सुकै व्यवःथा ल्याउन सक्ने भए पनि शक्ति र अधिकारको सदुपयोग नगरेर दुरुपयोग मात्र गरेको आरोप समेत लगाए ।
थापाले भने – न्यायलयमा समेत आफ्नो मान्छे भर्ने काम भयो । अहिले सरकार र सडक दुवैबाट न्यायको प्रतिमूर्ति सर्वोच्च माथि औला ठडाउने दबाब दिने तर्साउने काम भईरहेको जसले देश ठूलो संकटमा जाँदै छ ।
राप्रपा अध्यक्ष थापाले अहिलेको निकास भनेको विप्लवदेखि राजासम्म अट्ने लोकतान्त्रिक व्यवस्था सहितको राजतन्त्र भएको दावी गर्दै हिन्दु राष्ट्र र राजासहितको लोकतान्त्रिक व्यवस्थाले मात्र सबै समस्याको हल हुने बताए ।
नेता थापाले पार्टीबाट छानिएको राष्ट्रपति तटस्थ र सबैको हित अनुकुलको राष्ट्रपति हुन नसक्ने भन्दै राष्ट्रपतीय व्यवस्था नै गलत भएको जिकिर गरे ।
भेलामा राप्रपा गण्डकी प्रदेश अध्यक्ष हेमजंग गुरुङले अबको विकल्प भनेको चुनावमा गएर नयाँ जनादेश लिनु नै भएको बताए ।
राप्रपा नवलपुरको आयोजनामा भएको अगुवा कार्यकर्ता भेला दलबहादुर केसीको अध्यक्षतामा भएको थियो । कार्यक्रम गुणाखर काफ्लेको सञ्चालनमा भएको थियो ।

COMMENTS

WORDPRESS: 0
DISQUS: 1