राष्ट्रिय जनगणना–२०७८ मा खटिने कर्मचारीलाई पाँच लाख रुपैयाँको बिमा

Homeसमाज

राष्ट्रिय जनगणना–२०७८ मा खटिने कर्मचारीलाई पाँच लाख रुपैयाँको बिमा

मजदुर आन्दोलन स्थगित, मागहरु एक हप्ता भित्र सम्वोधन हुने सम्झौता
सहिद दिवस मनाईयो, सहीदहरुका सपना साकार गर्नेतर्फ राजनीति अग्रसर देखिएन
आजदेखि श्री स्वस्थानी व्रत सुरु

२६ माघ , काठमाडौँ ।
राष्ट्रिय जनगणना–२०७८ मा खटिने कर्मचारीलाई पाँच लाख रुपैयाँको बिमा व्यवस्था गरिएको छ ।
राष्ट्रिय योजना आयोग अन्तर्गत केन्द्रीय तथ्यांक विभागले उक्त व्यवस्था गरेको हो ।
आगामी जेठ २५ गतेबाट असार ८ गतेसम्म हुने जनगणनामा खटाइने ३९ हजार कर्मचारीका निम्ति यो व्यवस्था गर्न लागिएको हो ।
त्यसका साथै जनगणना कार्यमा खटिने कर्मचारी घाइते भएमा उपचारको नागरिक राहत क्षतिपूर्ति तथा आर्थिक कार्यविधिअनुसार बढीमा ५० हजार रुपैयाँको उपचार खर्चसमेत उपलब्ध गराउने उल्लेख छ ।
विभागले जनगणनाका निम्ति आवश्यक जनशक्ति माग गरिसकेको छ ।
जसमा ८ हजार सुपरिवेक्षक र ३९ हजार गणकको माग गरिएको छ । योग्यता पुगेका व्यक्तिले मुलुकको जुनसुकै ठाउँबाट अनलाइनबाट आवेदन दिनसक्ने छन् ।
सुपरिवेक्षकले स्नातक उत्तीर्ण गरेको हुनेपर्नेछ भने गणकले कक्षा १२ वा सो सरह उत्तीर्ण गरेको हुनुपर्नेछ ।
महिलाको हकमा १८ देखि ४५ वर्ष र पुरुषको १८ देखि ४० वर्ष उमेरकाले आवेदन दिनसक्ने छन् ।
दुई महिनाका निम्ति सुपरिवेक्षक र एक महिनाका निम्ति गणक करारमा लिइने छन् ।

COMMENTS

WORDPRESS: 0
DISQUS: 0