त्रिवेणी नाका सञ्चालनको तयारी

Homeसमाज

त्रिवेणी नाका सञ्चालनको तयारी

वैज्ञानिक वन व्यवस्थापनका नाममा वन सखाप पारिएको ओलीको टिप्पणी
वैज्ञानिक वन व्यवस्थापन कार्यविधि २०७१ खारेज
आज २ सय ९९औँ पृथ्वी जयन्ती मनाइदैँ


ज्ञानु पंगेनी
२७ माघ , नवलपरासी ।

जिल्ला प्रशाशन कार्यालय नवलपरासी पूर्व (नवलपुरको) त्रिवेणी सिमा नाका खोल्ने तयारी गरिएको छ ।

जिल्ला प्रशाशन कार्याललय नवलपरासी पूर्व (नवलपुरमा) बसेको सरोकारवालाहरुको वैठकले नाका खोल्न आवश्यक तयारी अगाडि बढाउने निर्णय गरेको छ ।

तत्कालका लागि नाकामा हेल्थ डेस्क स्थापना गरि थर्मल गनबाट ज्वरो नापेर आवतजावतलाई सहज बनाउने निर्णय गरिएको छ ।
हेल्थ डेस्क स्थापना गर्न आवश्यक पूर्वाधार र स्वास्थ्यकर्मीको व्यवस्थापन गर्न बिनयी त्रिवेणी गाउँपालिका र जिल्ला स्वास्थ्य कार्यालय नवलपरासी पूर्व मार्फत् सामाजिक विकास मन्त्रालय गण्डकी प्रदेशमा पहल गर्ने निर्णय गरिएको प्रमुख जिल्ला अधिकारी मनमाया पंगेनीले जानकारी दिनुभयो ।

सरकारले सिमानाका खोल्ने निर्णय गरे अनुसार नाका सञ्चालन गर्न केहि असहज भएका कारण त्रिवेणी सिमानाका सञ्चालन हुन सकेको छैन् ।

सरकारले नाका खोल्नका लागि तय गरेका आवश्यक मापदण्ड पुरा गरेर खोल्नका लागि भन्सार , स्वास्थ्य , सुरक्षा निकायबाट पहल गर्ने र आवश्यक पूर्वाधार र जनशक्ती व्यवस्थापन गरि छिट्टै सञ्चालन गर्ने निर्णय भएको प्रमुख जिल्ला अधिकारी पंगेनीले बताउनुभयो ।

त्रिवेणी नाकामा हेल्थ डेस्क स्थापना गर्न जग्गाको अभाव , पूर्वाधार नहुनु, स्वास्थ्यकर्मीको पनि अभाव भएकाले बिनयी त्रिवेणी गाउँपालिकाले पूर्वाधारको व्यवस्थापन गर्ने र जिल्ला स्वास्थ्य कार्यालयले सामाजिक विकास मन्त्रालयसंग स्वास्थ्यकर्मीको माग गर्ने निर्णय गरिएको पंगेनीले बताउनुभयो ।
कोभिड – १९ का कारण गत वर्षको चैतबाट बन्द भएको सिमानाका छिट्टै सञ्चालन गर्नेगरि सबै पक्षबाट आवश्यक पहल गर्न प्रमुख जिल्ला अधिकारी पंगेनीको अध्यक्षतामा भन्सार प्रतिनिधी , स्वास्थ्य कार्यालयका प्रतिनिधी , सुरक्षा निकायका प्रतिनिधी , निजी क्षेत्र र सञ्चारकर्मी लगायत सरोकारवालाको वैठक बसेको हो ।

वैठकले सिमा नाकामा हुन सक्ने अपराध न्यूनीकरण तथा रोकथामको लागि सिमा नाकामा वारपार गर्ने यात्रुको नाम नामेसी राखेर आवतजावत व्यस्थित गर्ने , व्यापार सहजीकरणको लागि त्रिवेणी भन्सार कार्यालयबाट मालवस्तु आयात निर्यातको व्यवस्था गर्न आवश्यक प्रबन्ध मिलाउन तथा सुरक्षा गार्ड र बैङ्क काउन्टर सञ्चालनको लागि सम्बन्धित निकायले यथाशिघ्र आवश्यक व्यवस्था गर्ने , नेपाल प्रहरी , सशस्त्र प्रहरी बल , नेपाल सिमा सुरक्षा बल ( बीओपीले ) भारततर्फको ( बीओपी) संग सिमामा हुनसक्ने चोरी निकासी ÷ पैठारी , आपराधिक कृयाकलापलाई रोकथाम गर्न आवश्यक समन्वय गर्ने र नेपाल प्रहरी सशस्त्र प्रहरी बल स्थानीय तह , समेतको सहकार्यमा त्रिवेणी क्षेत्रको शान्तिसुरक्षा र अमनचयनका लागि सहकार्य र समन्वय गर्ने निर्याण गरिएको सहायक प्रमुख जिल्ला अधिकारी मन वहादुर थापाले जानकारी दिनुभयो ।

COMMENTS

WORDPRESS: 0
DISQUS: 0