राष्ट्रपति ३ करोड जनताको अभिभावक बन्न नसकेको काङ्ग्रेस नेता धनराज गुरुङको आरोप

Homeराजनीति

राष्ट्रपति ३ करोड जनताको अभिभावक बन्न नसकेको काङ्ग्रेस नेता धनराज गुरुङको आरोप

पुष्पकमल दाहाल प्रचण्ड संसदीय दलको नेता चुनिए
विवेकशील साझाको प्रवक्तामा पाठक चयन
२९ गते नेपाली काङ्ग्रेस को देश भर बिरोध प्रदर्शन हुने

३ फागुन , नवलपुर ।
प्रतिनिधि सभा विघटनलाई असंवैधानिक र अलोकतान्त्रिक भन्दै प्रतिनिधि सभा पुनः स्थापनाको माग सहित निरन्तर आन्दोलन गर्दै आईरहेको नेपाली काङ्ग्रेसले सोमबार आफ्नो तेस्रो चरणको आन्दोलन अन्तर्गत देशका ७७ वटै जिल्लामा विरोध प्रदर्शन र सभा सम्पन्न गरेको छ ।
यसै बिच नेपाली काङ्ग्रेस पुर्वी नवलपरासीको आयोजनामा सोमबार जिल्ला सदरमुकाम कावासोतीमा विरोध प्रदर्शन गरिएको छ ।
विरोध सभामा नेपाली काङ्ग्रेस पुर्वी नवलपरासीका सभापति विष्णु लामिछानेको सभाध्यक्षता रहेको थियो भने केन्द्रिय सदस्य धनराज गुरुङको प्रमुख आतिथ्यता रहेको थियो ।
विरोध सभालाई सम्बोधन गर्दै केन्द्रीय सदस्य गुरुङले राष्ट्रपति विद्यादेवी भण्डारी ३ करोड जनताको अभिभावक बन्न नसकेको आरोप लगाएका छन् ।
गुरुङले राष्ट्रपति भण्डारीलाई जनताको अभिभावक बन्नु पर्ने ठाउँमा केपी ओलीको मात्र अभिभावक बनेर वसेको आरोप लगाए ।
राष्ट्रपतिको मर्यादा राख्नु पर्छ भन्दा जेलमा जानुपर्छ भने आफु जेल जान पनि तयार भएको तर मुख बन्द गरेर बस्न नसकिने गुरुङले बताए ।
विरोध सभा अघि कावासोतीको खुल्ला मैदानबाट सुरु भएको ¥याली फलफुल चोक , विपि चोक , इन्द्रचोक थाना चोक हुदै पुनः खुल्ला मैदानमा आएर सभामा परिणत भएको थियो ।
विरोध सभामा जिल्ला स्तरका नेताहरुको विशेष उपस्थिति रहेको थियो ।

COMMENTS

WORDPRESS: 0
DISQUS: 0