प्रचण्ड माधवले काँग्रेस सभापति देउवालाई सँगै मिलेर जान आग्रह

Homeराजनीति

प्रचण्ड माधवले काँग्रेस सभापति देउवालाई सँगै मिलेर जान आग्रह

प्रचण्ड-नेपाल समूहको केन्द्रीय कमिटी बैठक बस्दै केपी ओलीलाई कारबाही गर्ने प्रमुख एजेण्डा
संसद विघटनविरुद्ध काँग्रेसद्वारा थप आन्दोलनको घोषणा
नवलपुरमा प्रधानमन्त्री र राष्ट्रपतिको पुत्ला दहन

१२ फागुन , काठमाडौँ ।
नेकपा अध्यक्षद्वय पुष्पकमल दाहाल र माधवकुमार नेपालले बुधबार बूढानीलकण्ठ पुगेर कांग्रेस सभापति शेरबहादुर देउवालाई अब सँगै मिलेर जान आग्रह गरेका छन् ।
सर्वोच्च अदालतले प्रधानमन्त्री केपी शर्मा ओलीको पुस ५ गते प्रतिनिधिसभा विघटन गर्ने असंवैधानिक कदमलाई हिजो बदर गरेपछि आजैै दाहाल र नेपाल देउवालाई भेट्न उनकै निवास पुगेका हुन् ।
दाहाल र नेपालले सँगै मिलेर अघि बढ्न गरेको आग्रहको जवाफमा कांग्रेस सभापति देउवाले भने पार्टीभित्र छलफल गरेर अब कसरी अघि बढ्ने भन्ने विषयमा जानकारी दिने बताएका थिए ।
बैठकपछि अध्यक्ष नेपालले आफूहरुले अब आफ्नो पार्टी मिलेर अघि बढ्न चाहेको र कांग्रेससँग मिलेर संयुक्त सरकार बनाउन चाहेको देउवालाई बताएको जानकारी दिए ।
नेकपा अध्यक्ष नेपालले भने, ‘कांग्रेस पार्टी, जसपा र केपी ओलीको प्रतिगमनविरुद्धमा रहेका पार्टीहरुसँग मिलेर जाने पक्षमा हामी छौं । केपी ओलीले राजीनामा दिन्छन् भने सबैभन्दा राम्रो । राजीनामा दिएनन् भने उहाँलाई निकाल्नु पर्छ र अर्को संयुक्त सरकार बनाउनु पर्छ, मिलेर अघि बढ्यौं भन्यौं ।’
देउवाका स्वकीय सचिव भानु देउवाले भने,‘उहाँहरुले मिलेर आयौं भनेर सभापतिजीलाई भन्नुभयो ।
उहाँले पार्टी भित्रमा छलफल गरेर भन्छु भन्नु भएको छ ।’ उनका अनुसार कांग्रेसको शीर्ष नेताहरुसहित पदाधिकारीहरुको बैंठक भोली देउवा निवासमा बोलाइएको छ ।

COMMENTS

WORDPRESS: 0
DISQUS: 0