कर्णाली नदीमा बेपत्ता चार जनाको शव भेटियो, एककाे खाेजी हुँदै

Homeसमाज

कर्णाली नदीमा बेपत्ता चार जनाको शव भेटियो, एककाे खाेजी हुँदै

आज विश्व सिमसार दिवस मनाइँदै
दैलेखका एकै घरका पाँच जनाले कर्णालीमा हामफालेर आत्महत्या गरेको आशङ्का
क्रिश्चियन धर्मालम्बीहरूले आज क्रिसमस डे पर्व मनाउँदै

२५ फागुन , दैलेख ।

सोमवार बिहान चार छोराछोरीसहित बेपत्ता भएकी दैलेखको आठबीसकोट नगरपालिका ३ निमायलकी ३५ वर्षीया सुकी बडुवाल र तीन बच्चाको शव कर्णाली नदीमा भेटिएको छ ।
घटनास्थल पुग्नुभएका दैलेखका प्रहरी इञ्चार्ज प्रहरी नायब उपरीक्षक (डीएसपी) अनुपम श्रेष्ठका अनुसार सुकी बडुवाल र १० वर्षीय छोरा ललित बडुवालको शव मङ्गलवार दिउँसो कर्णालीको पल्लो किनारा अछामको पञ्चदेवल विनायक नगरपालिका ४ बेलखेतमा भेटिएको हो ।
सुकीकी जेठी छोरी १५ वर्षीया कल्पना बडुवाल र माहिली छोरी १२ वर्षीया सरिता बडुवालको शव सोमवार दिउँसो अछामको बेलखेतमै भेटिएपछि प्रहरी, सशस्त्र प्रहरी र स्थानीयले खोजी सुरु गरेका थिए ।
सँगै बेपत्ता भएकामध्ये चार जनाको शव भेटिए पनि सुकीको कान्छी छोरी रजनी बडुवालको अवस्था जानकारी हुन नसकेको डीएसपी श्रेष्ठले बताउनुभयो ।
सुकी उहाँका श्रीमान् ३८ वर्षीय मानसिंह बडुवालसँग अघिल्लो साँझ घरायसी विवाद भएको र सोमवार बिहानै चार सन्तानसहित घरबाट निस्किएकोमा सोमवार दिउँसो दुई छोरीको शव भेटिएपछि कर्णाली नदीमा हाम फालेको हुन सक्ने अनुमान गर्दै प्रहरीले खोजी थालेको थियो ।
घरमा दिनहुँजसो झगडा भइरहने गरेकाले सुकी बडुवालले चार छोराछोरीसहित आफूले आत्महत्याको निर्णय रोजेको हुन सक्ने आठबीस नगरपालिकाकी उपमेयर दीपा बोहोराले टिप्पणी गर्नुभयो ।
घटनाको अनुसन्धानका लागि कर्णाली प्रदेश प्रहरी इञ्चार्ज डीआईजी वसन्तकुमार पन्त, दैलेखका प्रहरी इञ्चार्ज डीएसपी अनुपम श्रेष्ठ मङ्गलवार बिहानै घटनास्थल पुगेका हुन् ।
मृतकहरू दैलेखका भए पनि अछामको क्षेत्रमा शव भेटिएका कारण पोस्टमार्टम गर्न अछाम लैजाने तयारी भइरहेको छ ।

COMMENTS

WORDPRESS: 0
DISQUS: 0