राष्ट्रपतिले बोलाएको सर्वदलीय बैठकमा नेताहरूबीच घोचपेच

Homeराजनीति

राष्ट्रपतिले बोलाएको सर्वदलीय बैठकमा नेताहरूबीच घोचपेच

नेपाली कांग्रेसद्वारा संसदीय दलको बैठक आह्वान
प्रतिनिधि सभाको बैठक बस्दै, एमाले र माओवादी केन्द्रका सांसदहरु अलग-अलग लहरमा बस्ने
संकटको मुल जड दोस्रो जनआन्दोलनः कमल थापा

३ चैत , काठमाडौँ ।

राष्ट्रपति विद्यादेवी भण्डारीले बोलाउनुभएको सर्वदलीय बैठकमा नेताहरूबीच घोचपेच भएको छ ।

राष्ट्रपति भण्डारीले आफ्नो बङ्गलादेश भ्रमणको पूर्वसन्ध्यामा दलका नेताहरूलाई बोलाएर छलफल गर्ने र चियापानको कार्यक्रम राख्नुभएको थियो ।

बैठकमा प्रधानमन्त्री ओलीले संसद् विघटनको निर्णय ठिक रहेको जिकिर गरेको र अहिले संसद् बैठक चल्न नसक्नुले आफ्नो कदम ठिक साबित भएको बताएको राष्ट्रिय जनमोर्चाका नेता चित्रबहादुर केसीले जानकारी दिनुभयो ।

प्रधानमन्त्री ओलीले छिटो भन्दा छिटो चुनावमा जानुपर्ने कुरालाई पटक–पटक जोड दिनुभएको थियो ।

तर नेपाली कांग्रेस, माओवादी केन्द्र, जसपालगायतका दलका नेताहरूले राष्ट्रपति भण्डारीकै सामुन्ने प्रधानमन्त्रीले प्रतिगमनको बाटो रोजेको र अदालतले त्यसलाई असफल बनाइदिएको बताएकाे बैठकमा सहभागी एक नेताले जानकारी दिए ।

प्रधानमन्त्रीले संविधान र लोकतन्त्र नमानेको दलका नेताहरूले आरोप लगाएका थिए ।

बैठकमा राष्ट्रपतिले आफू संविधान र लोकतन्त्रको संरक्षक भएकाले सरकारले गरेका सिफारिस पारित गर्नु आफ्नो कर्तव्य हुन आउने बताउनुभएको थियो ।

COMMENTS

WORDPRESS: 0
DISQUS: 0