जोशीको निधनमा शोक प्रस्ताव पारित, तीन दिनसम्म पार्टीको झण्डा आधा झुकाउने

Homeराजनीति

जोशीको निधनमा शोक प्रस्ताव पारित, तीन दिनसम्म पार्टीको झण्डा आधा झुकाउने

प्रमद्वारा मन्त्रीपरिषद् विस्तार , ९ जना मन्त्री थपिए
संसद विघटनको सिफारिससँगै सुरक्षा चुनौतीबारे देशभर सर्कुलर
राष्ट्रपति ३ करोड जनताको अभिभावक बन्न नसकेको काङ्ग्रेस नेता धनराज गुरुङको आरोप

१४ चैत , काठमाडौँ ।

नेपाली कांग्रेसको केन्द्रीय कार्यसमितिको बैठकले नेता तथा पूर्वमन्त्री नवीन्द्रराज जोशीको निधनप्रति गहिरो दुःख व्यक्त गर्दै शोक प्रस्ताव पारित गरेको छ ।

केन्द्रीय समितिले नेपालको लोकतान्त्रिक आन्दोलनमा चार दशकभन्दा लामो समय अनवरत संघर्षरत नवीन्द्रराज जोशीको निधनले मर्माहत र स्तब्ध भएको जनाएको छ ।

कांग्रेसले विज्ञप्तीमार्फत नेपाली कांग्रेसले एक कुशल संगठक र सिङ्गो देशले एक क्षमतावान नेतृत्वलाई गुमाएको उल्लेख गर्दै जोशीको निधनबाट पार्टी र देशलाई अपूरणीय क्षति पुगेको जनाएको छ ।

स्वर्गीय जोशीको सम्मानस्वरुप कांग्रेसले चैत १५, १६ र १७ गते सबै कार्यालयहरुमा पार्टीको झण्डा आधा झुकाउने पनि निर्णय गरेको छ ।

१३ औं दिनसम्म केन्द्रीय कार्यालय र सबै जिल्ला कार्यालयहरुमा शोक पुस्तिका राख्ने र १३ औँ दिनमा केन्द्र र सबै जिल्लामा भौतिक दुरी कायम गर्दै शोक सभाको आयोजना गर्ने पनि कांग्रेसले जनाएको छ ।

मस्तिष्कघातको उपचार गराइरहेका कांग्रेस नेता नविन्द्रराज जोशीको हिजो राति निधन भएका थियो ।

COMMENTS

WORDPRESS: 0
DISQUS: 0