नेपाल कुमाल समाज सुधार समितिको ७ औं राष्ट्रिय एकता महाधिवेशन आगामी वैशाख १८ र १९ गते कास्कीमा हुने

Homeकुमाल समाजकुमाल समाज विशेष

नेपाल कुमाल समाज सुधार समितिको ७ औं राष्ट्रिय एकता महाधिवेशन आगामी वैशाख १८ र १९ गते कास्कीमा हुने

धादिङको निलकण्ठ नगरपालिकामा कुमाल संग्राहलय भवनको शिलान्यास
कोरोनाका कारण नेपाल कुमाल समाज सुधार समितिको सातौँ राष्ट्रिय महाधिवेशन स्थगित
कुमाल संग्राहालयको शिलान्यास

१८ चैत , नवलपुर ।

नेपाल कुमाल समाज सुधार समितिको सातौं राष्ट्रिय एकता महाधिवेशन आगामी वैशाख १८ र १९ गते हुने भएको छ ।

बुधबार बसेको केन्द्रिय समितिको बैठकले आगामी वैशाख १८ र १९ गते कास्की जिल्लाको पोखरा महानगरपालिका २९ भण्डाढिक ओखलेडाँडामा महाधिवेशन गर्ने निर्णय गरिएको हो ।

खुला सत्र गर्न असमर्थ रहेकाले बन्द सत्र मात्र गर्ने बैठकले निर्णय पनि गरेको छ ।
बैठकको निर्णय अनुसार प्रत्येक जिल्लाबाट ३ जना प्रतिनिधिका साथै १ जना महिला अनिवार्यरूपमा पठाउनु पर्नेछ ।

जिल्लाले प्रतिनिधि पठाउदा जिल्ला कार्यसमितिको निर्णयबाट छनौट गरि आधिकारिक लेटरप्याड मार्फत केन्द्रमा आगामी वैशाख १३ गते भित्र पठाइसक्नु पर्नेछ ।

यस्तै बैठकले कुमाल समाजका आधिकारिक भातृसंग संगठन कुमाल विद्यार्थी समाज केन्द्रिय समिति , कुमाल साँस्कृतिक समाज केन्द्रिय समिति , कुमाल पत्रकार समाज केन्द्रिय समिती र कुमाल युवा समाज केन्द्रियबाट पनि ३ जना प्रतिनिधि ल्याउन पाउने निर्णय गरेको छ ।

यस्तैगरी राष्ट्रिय महाधिवेशन प्रतिनिधिहरुले प्रत्येक जिल्लाबाट संस्थागतरुपमा रु. ५ हजार उपलब्ध गराउने पनि बैठकबाट निर्णय भएको छ ।

महाधिवेशन पश्चात् संस्थालाई चलायमान र जिवन्त राख्ने पनि नेतृत्वकर्मिहरुले प्रतिबद्धता जनाएका छन् ।

सम्पूर्ण कुमाल एक हौँ भन्ने मुल उदेश्यका साथ विं.सं. २०५० मा स्थापना भएको हो ।
उक्त संस्था कुमालहरुको मातृ संस्था २७ वर्षको यात्रा सम्म आई पुग्दा कुमाल समुदायको हकहितका लागि संघर्ष गर्दै आएको थियो ।
तर विं.सं. २०६५ साल नवलपरासीको अरुणखोलामा भएको ५ औँ अधिवेशनको बन्द सत्रबाट कुमाल सुधार समाज राजनितिक मतभेदका कारण दुइ समुहमा विभाजन भएको थियो ।
हाल एउटा समुहको नेतृत्व केवल पाल्पालीले गरिरहेका थिए, भने अर्को समुहको नेतृत्व नरेन्द्रमान मुखिया कुमालले गरेका थिए ।
गत वर्ष माघ महिनामा विगत १० वर्षदेखि दुई समूहमा विभाजन रहेका समितिलाई एकता महाधिवेशन गर्ने गरि अध्यक्षद्वयलाई लाई संयोजकत्वमा राखिएको थियो ।

गत वैशाखमा लमजुङको सुन्दरबजारमा एकताको महाधिवेशन गर्ने निर्णय भएको भए पनि कोरोना भाइरसका कारण हुन सकेको थिएन ।

COMMENTS

WORDPRESS: 0
DISQUS: 0