चीन सरकारले अनुदानमा दिएको खोप ४० देखि ५९ वर्ष उमेरका समूहका लगाइने

Homeअन्य

चीन सरकारले अनुदानमा दिएको खोप ४० देखि ५९ वर्ष उमेरका समूहका लगाइने

7 myths uncovered about music videos
Dow Jones tumbles, S&P 500 Index falls to 2018, as crypto recovers slightly
Look 4.2: This Style Focuses on Women’s Crop Top and Jeans

१९ चैत , काठमाडौँ ।
चीनले सरकारबाट अनुदानमा प्राप्त कोभिड–१९ विरुद्धको ‘भेरोसेल’ खोप सरकारले ४० देखि ५९ वर्ष उमेरका समूहका व्यक्तिलाई लगाउने निर्णय गरेको छ ।
स्वास्थ्य तथा जनसङ्ख्या मन्त्रालयको नियमित पत्रकार सम्मेलनमा प्रवक्ता डा. जागेश्वर गौतमले इन्सिडेन्ट कमाण्ड सिस्टमको बैठकले पूर्वाधारको हिसाबले अस्पताल छनोट गरी ४० देखि ५९ वर्ष उमेर समूहका नागरिकलाई खोप दिने तयारी भएको जानकारी दिनुभयो ।
उहाँले पूर्वाधारको हिसाबले उपयुक्त अस्पतालबाट ती उमेर समूहका व्यक्तिलाई चाँडै नै खोप दिइने बताउनुभयो ।
यसअघि सरकारले दोस्रो खोप अभियानअन्तर्गत ६५ वर्षभन्दा माथिका ज्येष्ठ नागरिकलाई खोप प्रदान गरेको थियो । चीन सरकारले आठ लाख मात्रा भेरोसेल खोप नेपाललाई उपलब्ध गराएको थियो । ‘भेरोसेल’ खोप नेपाल वायुसेवा निगमको वाइडबडी–३३० जहाजबाट यही चैत १६ गते नेपालमा ल्याइएको थियो ।
नेपालमा अहिले पाँच लाख ४८ हजार मात्रा ‘कोभिशिल्ड’ र चीनबाट प्राप्त आठ लाख मात्रा ‘भेरोसेल’ खोप रहेको छ ।
सङ्घअन्तर्गतका प्रादेशिक, जिल्ला अस्पताल र सबै आधारभूत अस्पतालमा कोभिड– १९ को सबै उपचारको व्यवस्था गर्ने निर्णय गरेको छ ।

COMMENTS

WORDPRESS: 0
DISQUS: 0