मनाङमा पनि भेटिए कोरोना संक्रमित

Homeस्वास्थ

मनाङमा पनि भेटिए कोरोना संक्रमित

भारतबाट कोरोनाविरुद्धको खोप बिहिबार काठमाण्डौ आइपुग्यो
निशुल्क स्वास्थ्य शिविर पाउदा बुलिङटार र बौंदीकाली जनतामा खुसी
नवलपुरका ४० हजार किशोरीलाई आईरन चक्की खुवाईने

सन्तोष श्रेष्ठ , १८ बैशाख , मनाङ ।

हिमाल पारीको जिल्ला मनाङमा पनि दुइ जना कोरोना संक्रति भेटिएका छन् । चामे गाउँपालीकामा रहेको राष्ट्रिय बाणिज्य बैंकमा कार्यरत दुइ जना कर्मचारीमा बिरामी भै अस्पताल जाँदा कोरोना पोजेटिभ पुष्टि भएको जिल्ला अस्पतालको डाक्टर प्रतिभा गौलीले जानकारी दिनुभएको छ ।
जनस्वास्थ्य कार्यालय चामे मनाङका अनुसार पहिलो चरणको कोरोना पछि दोस्रो चरणको यो पहिलो संक्रमित भएको जानकारी दिएको छ । जनस्वास्थ्य कार्यालयका अनुसार जिल्लामा हाल ५ बेडको आइसोलेसन बेड निर्माण गरीएको छ भने अस्पतालमा ५ वटा अक्सिजन सिलिन्डर रहेको पनि अस्पतालले जानकारी दिएको छ ।
हाल मनाङ चामे गाउँपालीका राष्ट्रिय बाणिज्य बैंकमा कार्यरत कर्मचारीमा देखा परेको हो ।
पछिल्लो समय नेपालमा दिनानु दिन दोस्रो लहरको कोरोना संक्रमणदर फैलिदै गए पनि मनाङमा भने शून्य रहेको थियो ।
कास्की जिल्ला स्थायी घर भएका ति दम्पत्ती एक हप्ता अघि मात्र मनाङ आएका थिए । संक्रमितहरु अहिले होम आइसोलेशनमा बसेको जिल्ला स्वास्थ्य कार्यालय मनाङका प्रमुख बद्री आचार्यले जानकारी दिनुभएको छ । जिल्लामा पहिलो पटक दोश्रो लहरको कोरोना संक्रमित देखा परेसंगै उच्च सर्तकता अपनाइएको प्रमुख जिल्ला अधिकारी विष्णु लामिछानेले बताउनु भयो ।
हाल जिल्लामा तत्कालका लागि ५ शैयाको आइसोलेशन कक्षा जिल्ला अस्पतालमा तयार पारिएको पनि जिल्ला स्वास्थ्य कार्यालले जनाएको छ ।
यस महामारी बाट आफु सतर्क रहि समाजलाइ सुरक्षीत राख्न नेपाल सरकारले दिएको निर्देशन पालन गर्न समेत अनुरोध गर्नु भएको छ ।
जिल्ला अस्पतालमा रहेको एक भेन्टीलेटर र आइसियू कक्ष जनशक्ति अभाबका कारण सञ्चालनमा आउन सकेको छैन ति दुइ संक्रमित दम्पत्ती हुन् ।
कोरोना कोरोना भाइरस महामारीको कारण प्रत्यक्ष रुपमा बैठक बस्न नपाए पनि नेपाल पत्रकार महासंघ मनाङ शाखाले भर्चुअल माध्यमबाट अन्तरक्रिया गरेको छ ।
कोरोना कहरका बेलामा भेटघाट हुन नपाएको अवस्थामा भिडियो मार्फत एक आपसमा स्वास्थ्य सर्तकताका बारेमा अन्तरक्रिया गरिएको मनाङ शाखाले जनाएको छ ।
शनिवार अनलाइन जुम मार्फत शाखाले जिल्लाका स्वास्थ्य प्रमुख , प्रमुख जिल्ला अधिकारी , प्रहरी प्रशासन र स्थानिय तहका पदाधिकारीहरु संग अन्तरक्रिया गरिएको हो ।
यसै बैठकमा सहभागी हुदै पत्रकार महासंघ केन्द्रिय अध्यक्ष बिपुल पोख्रेलले समपुर्ण पत्रकारहरुलाइ आफु सुरक्षीत रहि समाचार सम्प्रेशण गर्न समेत अनुरोध गर्नु भयो ।
कोरोना महामारी (कोभिड १९ )को विषम परिस्थितिमा सरकारको निर्देशनको पालना गर्दै शाखाले जुम प्रविधिको प्रयोग गरेको हो ।

COMMENTS

WORDPRESS: 0
DISQUS: 0